Хуулийг шинэчлэн гаргаснаар иргэ­дийн бүртгэл мэдээлэлд шууд хяналт тавьж мэдээл­лийн хяналтыг сайжруулж энэ төрлийн төрийн үйлчилгээг иргэдэд шуурхай хүргэх зэрэг тустай гэнэ. Эрүү, эрүүгийн байцаан шийтгэх, Иргэний хэрэг шүүхэд хянан шийд­вэрлэх тухай хуульд нэмэлт өөрчлөлт оруулах тухай хуу­лийн төслийг боловсруулж байгаа аж. Бооцоот болон мөрийтэй тоглоомын үйл ажиллагааг эрхлэх тухай хуулийн төслийг боловс­руулж байгаа. Монгол Улсын иргэн Үндсэн хуульд заасан иргэ­дийн мэдээ­лэл хайх, хүлээн авах эрхийг хэрэг­жүүлэх эрх зүйн үндсийг тодорхойлж иргэдээс төрийн байгууллага, албан тушаалтанд хандаж мэдээлэл авах, хүсэлт тавих, түүнийг байгууллага, албан тушаалтнаас хянан үзэж хариу өгөхтэй холбогдсон харилцааг зохицуулахаар Мэдээллийн эрх чөлөөний тухай хуулийн төслийг бо­ловс­рууллаа. Мөн Авлигын тухай хуульд нэмэлт өөрч­лөлт оруулах тухай хуулийн төслийг УИХ-д өргөн барих аж. ХЗДХЯ-ны удирдах болон захир­гааны тусгай албан хаагчдын хөрөнгө орлогын мэдүүлгийг ирэх сарын дундуур гэхэд авсан байхаар сайдын ту­шаал гарсан байна. Гадаад ха­рилцаа амжилттай хөгжиж байгаа бөгөөд ирэх онд Гэмт хэргээс урьдчилан сэргийлэх Азийн сангийн Дэлхийн бага хурлыг Улаан­баатар хотноо зохион бай­гуулахаар зарч­мын тохи­ролцоонд хүрсэн. Хөдөө орон нутгийн ажил байдал­тай явж танилцсан хэмээн мэдээл­лээ. Дараа нь сурвалж­лаг­чийн асуултад хариулав.  -Саяхан Тагнуулын ерөн­хий газ­рын даргыг солилоо. Энэ мэдээж Зас­гийн газрын тэргүүний мэд­лийн хэрэг байх. Гэвч хүчний бай­гууллагад халаа сэлгээ хийгдээд байх уу? Нийс­лэлийн цаг­даагийн дар­гаар хэн тавигдах вэ?  -Мэдээж Ерөнхий сайдын санал болгосноор Тагнуулын даргыг сольсон. Одоо нийс­лэлийн цагдаагийн даргыг томилно. Үүнийг Цагдаагийн Ерөнхий газрын даргын са­на­лыг харгалзан ХЗДХ-ын сай­дын мэдлийн асуудал. Хэ­нийг тавихаа одоо судалж байна.   -Мөнгөтэй хүнд хууль үйл­чил­дэггүй гэсэн үзэл ард олны дунд бөх бат оршиж байна. Үүнийг зо­риг­­той­гоор өөрчилж чадах уу? Мөн гадаад орны өн­дөр алба хашиж байсан нэг өвгөн манай төрд Тогт­вортой байд­лын гэрээ байгуулах талаар шахалт үзүүлж байна. Энэ талаарх таны санал?  -Мөнгөтэй хүнд хууль үйлчилдэггүй гэсэн ойлголтыг бид хүлээн зөв­шөөр­дөггүй. Үүний эсрэг бид арга хэмжээ авсаар ирсэн. Хэрэв хүн хуулийн дагуу амьдарч бай­вал хуулийг сахих нь үнэн­хүү амар. Хууль зөрчөөд ирэх­лээр л хуу­лийг даган мөрдөх нь биелшгүй мэт байдаг. Хүн бүрт хуулийг мөрдүүлнэ. Энэ талаар яам өөрөөсөө эхлэн ажиллаж байна. Тогтвортой байдлын гэрээг хууль зүйн дагуу л байгуулдаг. Яг одоо­хондоо ямар ч гэрээ бай­гуулаагүй байна.   -Малын хулгай өнөөдөр дийлдэхээ байжээ. Энэ тухай ямар арга хэмжээ авах гэж байна? Цагдаагийн ёс зүйн асуудал байнга яриг­даж байх юм. Цагдааг өөрч­лөх үү? гэсэн асуултад Хуу­ль зүй, Дотоод хэргийн яамны дэд сайд Ш.Сүхбаатар эхэлж хариулаад дараа нь сайд нэмж тайлбар хийв.  -Малын хулгайн асуудал манай яамны анхаарлын төвд байдаг. Ажиг­лалтаас харахад Улаанбаатар хотыг тойрсон аймгуудаас малын хулгай олон гарч байна. Ирэх сарын 20-доор Малын хулгайг тас­лан зогсоох тухай зөвлөгөөн хийх гэж байгаа. Үүнд төвийн бүсийн есөн аймгийн төлөө­лөл оролцоно. Яг энэ өдрөөс эхлэн энэ зөвлөгөөнийг угт­сан малын хулгайтай тэмцэх сарын аян улс даяар эхэлж байна. Гэмт хэргийн статис­тикаар өнгөрсөн оны мөн үеэс гэмт хэрэг буурсан гэ­сэн тоо байгаа ч малын хул­гай харин өссөн мэдээ бий. Хулгайд малаа алдсан мал­чид хулгайчийг бари­лаа ч хохирлоо төлүүлж чадахгүй байна гэлээ. Хууль зүй, до­тоод хэргийн сайд Д.Одбаяр хэлэхдээ: Малын хулгайтай тэмцэх ажил эрчимжинэ. Сайдын ту­шаал хүртэл гар­сан. Малын хулгайтай тэмцэх ажилд зөвхөн хууль хяналтын байгууллага дангаараа тэм­цээд амжилт олохгүй. Ард иргэд мөн хууль хяналтын байгууллагатай хамтарч ажил­­лах ёстой. Судалгаанаас ха­рахад хулгайн гараар орж бай­гаа малын 20 хувь нь хашаа хо­рооноосоо, үлдсэн 80 хувь нь бэлчээр дээрээсээ алга болдог. Энэ үзүүлэлт юу ха­руулж байна вэ гэхээр малчид ма­лаа адуулан хариу­лахгүй бай­гаагийн илрэл юм. Малчид ажлаа хийхгүй байна. Хээр эзэнгүй яваа малыг наанадаж хулгай хийхэд амар. Малын махыг бор­луу­лах­даа гарал үүслийн гэр­чил­гээтэй болгох шаардлагатай байна. Мөн мах бэлт­гэлийн системийг ч өөрчлөх хэрэг­тэй болжээ. Цагдаагийн өөрч­лөлт хү­мүү­сийн сэтгэлд хүрэх­гүй байх нь бий. Манай цагдаа үүргээ гүйцэтгэж байгаа гэж үзэж болно. Цагдаагийн өөрч­лөл­тийг зөвхөн боловсон хүчний хэмжээнд ярих нь учир дутаг­далтай гэж би бодож байна.  -Та ажил аваад бооцоот тог­лоо­мын газарт нэмж зөвшөөрөл өгсөн үү? Авто­мат тоглоомын газрыг хааж ка­зино байгуулна гэж үнэн үү?  -Үгүй би зөвшөөрөл нэмж өгөөгүй. Төлбөрт тааварт тоглоомын хуулийн төсөл хийгдэж байгаа. Бооцоот тог­лоо­мын газрыг хаагаад ка­зи­но байгуулах нь тийм ч хял­бар юм биш. Оновчтой ху­вилбар сонгож олох нь чухал.