Энэхүү техник ашиг­лал­тад орсноор Европын өндөр хөгжилтэй орны чанартай, амин дэм бүхий амттай тал­хыг өөрийн үндэснийхээ үйлд­вэрээс хямд үнээр ху­далдан авах боломж бүрдлээ. Тэд энэхүү ажлаа хоёр жи­лийн өмнөөс хийхээр төлөв­лөсөн бөгөөд удаан хугацаа­ны туршилт, судалгаа хийс­ний эцэст саяхан шинэ шуга­мынхаа нээлтийг хийлээ.  Уг шинэ техник нь өдөрт 10-12 тонн талх хийх хүчин чадалтай, мөн уут баглаа боодол нь ч найдвартай аж. Судалгааны явцад хэрэг­лэгчид ямар бүтээгдэхүүнийг хүсч байна гэдгийг нь тог­тоосон гэнэ. Хэрэглэхэд дө­хөмтэй, амин дэм ихтэй бү­тээгдэхүүн хэрэглэх хүсэл­тэй байгаагаа хэлж байжээ. Ингээд тэд хүний биед шаард­лагатай бичил бодис, амин дэмээр элбэг хивэгтэй, хөх тарианы гурилын, үр хөв­рөлтэй, гоньдтой “Мишээл”, “Ургац” гэх мэт 10 гаруй төр­лийн талх хийж эхэлжээ. Мөн хүний гэдэсний гүрвэлзэх хөдөлгөөн, хоол шингэцэд эерэг нөлөөтэй гүнжидийн үр, мак, наранцэцэгийн үр, нэвс зэрэг бүхэл үр цацаж байгаа нь бас нэг давуу тал нь гэнэ. Энэ талхнууд гарснаар бидний нөгөө “Атар” талхны маань тоо хэмжээнд нөлөө­лөх үү гэхэд “Талх чихэр” ХК-ний Ерөнхий захирал Ц.Энх­билэг “Энэ талхнуудыг бид нэлээд судалгаа хийсний үндсэн дээр үйлдвэрлэж бай­гаа. Ер нь ч хүмүүсийн дунд “Атар” талх их нэр хүндтэй байдаг. Тиймээс энэ талхаа цаашид үйлдвэрлэсээр бай­на. Харин тоо хэмжээний хувьд бага зэрэг буурна. Шинэ талхнууд нь 300-650 төгрөгийн үнэтэй” гэв. Талх­ныхаа түүхий эдийг Оросын “Алейка” гурилын үйлдвэрээс татаж авахаар гурван жилийн гэрээ байгуулсан. Мөн дээрх төхөөрөмжийг оруулж ирэ­хийн тулд дөрвөн тэрбум төгрөг зарцуулсан гэнэ. Харин удахгүй хэрэглэгчиддээ да­хин нэг шинэ зүйлээр бэлэг барих болно гэдгээ мэдэгдэв. Иргэд маань 10 гаруй төрлийн талхнаас сонголт хийж, “Атар” биш ээ, “Мишээл”, “Ургац” л гэх байх даа.   Ц.БАЯНАА