“Алтан дорнод” компани нь өнгөрөгч оны сүүлчээр Тат­варын ерөнхий газарт 611 сая гаруй төгрөгийг илүү төлсөн хэмээн ҮТЕГ-ыг шүүхэд өгчээ. Анхан шатны шүүх хурал Чингэлтэй дүүрэгт дө­рөв­дүгээр сарын 9-нд бол­жээ. Анхан шатны шүүх ху­рал­­даанаас ҮТЕГ, Сангийн яаманд татварт төлсөн мөн­гийг “Алтан дорнод монгол” компанид буцаан олгуулах шийдвэр гарсан байна. ҮТЕГ давж заалдан өнгөрсөн тав­дугаар сарын 31-нд нийс­лэлийн шүүхээр уг хэргийг хянан хэлэлцжээ. Нийс­лэл­ийн шүүх анхан шатны шүү­хийн шийдвэрийг хүчингүй гээд 611 сая төгрөгийг буцаан олгох үндэслэлгүй гэсэн шийдвэр гаргажээ. “Ал­тан дорнод монгол” компани Дээд шүүхэд давж заалджээ. Дээд шүүхийн өчигдрийн хурлаар Нийслэлийн шүүхийн шийд­вэрийг хэвээр үлдээхээр болсон юм. Ш.ДоржсҮрэн   Хувийн эмэгтэйчүүдийн эмнэлгүүдийг шалгажээ Нийслэлийн эмэгтэй­чүү­дийн 75 эмнэлэгт саяхан Нийслэлийн мэргэжлийн хя­нал­тын газраас шалгалт хий­жээ. Шалгалтаар эмнэлгүү­дийн 37.3 хувь нь сувилагчгүй, нэг өрөө буюу шаардлага хангахгүй байранд үйл ажил­лагаа явуулдаг зөрчил их гарсан гэнэ. Эмчилгээ үйл­чил­гээний багаж материалыг өөрсдөө ариутгадаг, шаард­лага хангасан тусгай ариут­галын өрөөгүй эмнэлэг нэ­лээд­гүй байсан аж. Харин эмнэлгүүд нэг удаагийн зо­риу­лалт бүхий бээлий, зүү тариур, толь, систем, шин­жил­гээний савх, дэвсгэр даа­вуу зэргийг хүрэлцээтэй нөө­цөлсөн байжээ. Шалгалтад хамрагдсан 75 эмнэлгийн 82 их эмч, 45 сувилагчид илэр­сэн зөрчлийг арилгуулах та­лаар мэргэжлийн зөвлөгөө өгсөн байна. Шалгалтын үр дүнгээс үндэслэн Нийс­лэ­лийн мэргэжлийн хяналтын газраас Эрүүл мэндийн яаманд эмнэлгүүдийн бүтэц, үйл ажиллагааны түвшинг үнэлэх стандарттай байх шаардлагатай байгаа талаар санал явуулжээ.   Сэлэнгэ аймгийн Хашаат суманд хөл хорио тогтоов Сэлэнгэ аймгийн Хашаат сумын нэгдүгээр баг, Бумбат толгой гэдэг газар боом өвчин гарсныг мэдээлсэн. Малчин Т-ийн хотонд өнгөрөгсөн сард 19 хонь, ямаа үхжээ. Т-ийнх үхсэн ямааны махыг хүн­сэн­дээ хэрэглэжээ. Нөх­цөл байдал үүсэхээс өмнө Т-ийн хоёр охин Дархан-Уул аймаг руу суралцахаар явсан гэнэ. Охид одоогоор эмнэл­гийн хяналтад байгаа бөгөөд тэдэнд ямар нэг зовиур ил­рээгүй байна. Голомтын бү­сэд аймгийн Онцгой байдлын хэлтэс, Мэргэжлийн хянал­тын, Мал эмнэлгийн газрын байцаагч нар ажиллаж байгаа гэнэ. Хорио цээрийн дэглэм тог­тоож, дөрвөн пост гар­гажээ. М.МӨНХЦЭЦЭГ