“Hero” интертаймент хөгжмийн найруулгыг нь хийж буй уг тоглолтод “В продакшн”-ы дуучид болох Маралжингоо, Quiza, B.A.T, Dz man, Энхзол болон “Камер­тон” хамтлаг, “Никитон” хамт­лагийн хөгжимчид оролцох юм байна. Мөн Үндэсний дуу бүжгийн эрдмийн чуулга болон улсын циркийн жүжигчид уран бүтээлээ толилуулах аж. Тог­лолтын тайз засалтыг “Чуба” дизайны хамт олон гүйцэтгэж байгаа бөгөөд гэрэл болон хөгжмийн дуугаралтыг гадаа­даас хүрэлцэн ирсэн залуус хариуцан ажиллаж байгаа гэнэ. Энэ үдэш дуучин Д.Болд дөрвөн цомогтоо багтсан 40-өөд дуу дуулах бөгөөд тоглол­тын ерөнхий зохиомж нь дууч­ны амьдралын дурсамж байх юм байна.  Т.ГЭРЭЛМАА   Соёл урлагийнхан баяраа тэмдэглэнэ Ирэх бямба гаригт соёл урлагийн ажилтны өдөр то­хионо. Энэ өдөр нийслэлд үйл ажиллагаа явуулж буй театр, чуулга, номын сан, музей зэрэг 30 орчим байгууллагын ажилтан, уран бүтээлчид “Хаадын зам” цогцолборт баяраа тэмдэглэх юм байна. Тэд уламжлалт баяраараа шатар, теннис, шагайн хар­ваагаар наадаж шилдгүүдээ тодруулахын зэрэгцээ бай­гуул­лага тус бүрээс оролцсон бөхийн барилдааныг зохион байгуулах гэнэ.  “Евгений Онегин”-оор нээлтээ хийхээр болжээ Улсын дуурь бүжгийн эрд­мийн театр ирэх сарын 6-нд өвөл цагийн нээлтээ хийнэ. Тэд театр байгуулагдсаны­хаа 45 дахь жилийнхээ нээл­тийг “Евгений Онегин” дуу­риар эхлэх юм байна. Учир нь “Евгений Онегин” дуурь тус театрын тайзнаа тавиг­даад 45 дахь жилтэйгээ зол­гож буй аж. Сонирхуулахад, УДБЭТ-ын хамт олон “Гэсэр” зохиолоор балет тавихаар ярилцаж байгаа гэнэ.  Д.Цолмон