Энэ нь мөнгөн ус гэдэг хорт бодисыг хэрэглэхгүйгээр өөр орлуулагч бодис ашиглан алт олборлох тухай юм. “Боракс” хэмээх алтыг мөнгөн уснаас дутахгүй барьдаг бодисыг ашиглавал байгаль, хүн, амьтанд хоргүй гэж “Санс Фронтиер Прогресс” байгуул­лагынхан хэлж байна. Гэвч одоо­гоор хөдөө орон нутагт уг бодисыг хэрэглэн алт ол­борлох явдал нэгэнт газар авсан. Хувиараа алт олбор­логч 59 нэгж цэг дээр шин­жил­гээ явуулахад бүгд мөнгөн ус хэрэг­лэсэн ба ихэнх нь түүн­дээ гүн хордсон гэсэн хариу гарчээ. Ийм түгшүүртэй мэ­дээ­­ний дараа мөнгөн ус­наас хэрхэн аврагдах аргыг хайж байна. Химийн энэ хүч­тэй хорыг одоогоор хэрэглэж бай­­гаа газарт “Реторт” хэ­мээх багажийг ашиглаж сур гэж мэргэжилт­нүүд зөв­лө­жээ. “Реторт” нь мөнгөн усыг агаарт ууршиж хүний амьсгал руу орохоос нь өмнө цуг­луулж авдаг багаж гэнэ. Энэ чухал мэдээг дэл­гэрэн­гүй­­­гээр нь мэдэж ава­хыг хүсвэл tumenba@magicnet.mn гэсэн сай­­тад байгаа гэж өчигдөр бол­сон хэвлэлийн бага хурал дээр танилцууллаа. Б.Батцэцэг  Охид дээрэм хийжээ Хичээл сургууль эхэлж нийслэл хөл хөдөлгөөн ихтэй бай­гаа ойрын өдрүүдэд оюу­тан, сурагчидтай холбоотой гэмт хэрэг цөөнгүй гарчээ. Тухайлбал, дунд сургуулийн сурагч 16 настай эмэгтэй Д-г гэр рүүгээ явж байхад нь 17-18 орчим насны таван охин гар утас, мөнгийг нь дээрэмдсэн байна. Тэд сахлын хутгаар охины гарын шууг нь зүсч, сүрдүүлжээ. Мөн Ба­рилгын коллежийн оюу­тан 19 настай А ШУТИС-ийн оюутан 19 настай С нарыг уржигдар 23.00 цагийн үед Зүүн дөрвөн замын орчимд явж байхад нь 19-23 насны таван залуу айлган сүрдүүлж, гар утас мөнгийг нь дээрэм­дэхийг завдсан байна. Энэ хэргийг Баянзүрх дүүр­гийн XI хороонд амьдардаг 19 настай Б.Ууган­пүрэв бу­сад­тай бү­лэглэн үйлдэж байхад нь цаг­даа­гийнхан барив.  Арван удаа хутгалан хүнд гэмтээв Сонгинохайрхан дүүр­гийн XI хорооны оршин суугч 37 нас­тай эмэгтэй Д-г энэ сарын 3-нд гэртээ байхад нь олон удаа хутгалан хүнд гэм­тээсэн хэрэг гарчээ. Түүнийг нэг гудамжинд амь­дар­даг 22 нас­тай Г.Мөнх­чулуун толгой, нүүр, хөлд нь арван удаа хутгалсан бай­на. Хохирогч эмэгтэй одоо Гэмтэл согогийн клиникийн төвд эмчлүүлж бай­гаа аж. Түүний биеийн бай­дал хүнд байгаа гэнэ. Мөн Сүх­­баатар дүүр­гийн IV хо­роо­­ны оршин суугч 47 нас­тай эмэгтэйг төрсөн хүү С.Хаш-Эрдэнэ нь хутгаар ала­хыг завджээ. Түү­ний энэ үйлдлийг тус дүүр­­­гийн цагдаагийн хэлт­сийн жи­жүү­рийн бүрэлдэхүүн тас­­­­лан зогсоосон байна. С.Хаш­-Эрдэнэ нь 16 настай гэнэ.  Мөнгө төлсөнгүй хэмээн өндөр настанг зоджээ Баянгол дүүргийн III хо­роонд байрлах “Барс” захын хойд талын замын автобусны бууд­лаас 68 настай эрэгтэй П “Айсё” маркийн авто­бу­санд суужээ. Тэрбээр кон­дук­­торт өндөр настны үнэм­лэхээ үзүүл­сэн байна. Гэтэл ав­тобусны кондуктор 23 нас­тай М.Гантулга мөнгө төлсөнгүй хэмээн түүний хамар руу нь цохин өмсөж явсан хүр­мийг нь урж танхайрчээ.  Хүүхдүүдийг хуурч бурхныг нь хулгайлав Чингэлтэй дүүргийн XVIII хорооны нутаг Хандгайтад амьдардаг иргэн Д-гийн гэрээс уржигдар 14.00 цагийн үед алтадмал бурхан алдагдсан байна. Энэ үед гэрт нь тав, долоон настай хоёр хүүхэд нь байжээ. Гаднаас үл таних эрэгтэй хүн орж ирэн “Эмээгээр чинь толгойгоо бариулдаг хүн байна. Ирэхийг нь хүлээж байя” гэж хууран гэрт нь байсан бурхан багшийн алтадмал хөрөг, ясаар сийлж хийсэн зааныг хулгайлан авч оджээ.   Буугаар буудан амь насыг нь хөнөөжээ Хан-Уул дүүргийн X хорооны нутаг Морин хэмэх газар амьдардаг 37 настай эрэгтэй Б-г тус хорооны иргэн 54 настай А.Баатарцогт “Тоз-8” маркийн буугаар буудаж амь насыг нь хөнөөжээ. А.Баатарцогт нь согтууруулах ундаа хэрэглэсэн үедээ хохирогчтой маргалдаж энэ хэргийг үйлдсэн хэмээн мэдүүлсэн байна. Л.АЛТАНХИШИГ