Газар доорхи баялаг бол ард түмний өмч. Тиймээс захиран зар­цуу­лах эрх нь төрд бай­гаа. Гэтэл энэ заалт одоо байхгүй болжээ. Тэр их хэм­жээний баялгийг гадаадын­хан мэ­дэл­дээ авч байна. Эрх мэ­дэлтнүүд үндэсний бая­лгийг хувааж идэх ажил руугаа орсны илрэл. Тэд гадаа­дын­хны эрх ашгийг хам­гаалах гэж улайрсны үр дүнд өнөөдөр ашигт малтмалын хууль хү­чинтэй эсэх нь мэ­дэг­­дэхгүй байгаа юм. УИХ тог­тоол гар­гаж, стратегийн ач холбог­долтой хоёр ордны хө­рөн­гө оруулалтын гэрээг хийж эх­лүүлэх гээд бэлтгэл ажил хийгээд сууж байна. Харин бид үр хойчоо бал­лахгүйн тулд үүний эсрэг тууштай тэмцэх болно" гэв.  

 Нөгөөтэйгүүр "Шинхуа мак," "Бороо гоулд", "Цайрт минерал"-ын тогтвортой байд­лын гэрээг байгуулснаар манай улс өдөрт 1-1.5 сая ам.доллар алдаж байгаа гэ­лээ. Үүний хариуцлагыг өнөө­дөр хүлээх эзэнгүй болсон нь тогтвортой байдлын гэрээг баталсан УИХ-д хариуцлага тооцох механизм байхгүйтэй холбов.  

 

 Тиймээс цаашид бай­гуулах гэрээнд Ерөнхийлөгч, Ерөнхий сайд нь өөрсдөө гарын үсэг зурах ёстой гэж шаардлаа. Мөн томоохон орд газруудыг хэрхэн ашиг­луу­лах талаар эрх баригчидтай гурван талын уулзалт зохион байгуулахыг хүссэн.   

 

 Дээрх нам, хөдөлгөөний­хөн Ахмадын чөлөөт хол­боо­ны тэргүүн Г.Баасанг хорь­сон нь хууль зөрчсөн явдал хэ­мээв. Учир нь тэр­бээр Үндсэн хуулинд заасны дагуу үг хэлэх эрхээ эдэлж, долдугаар сарын 1-нд харамсалтайгаар буудуулж амиа алдсан хү­мүүсийг хөнөөсөн этгээд хаана байна гэж асуусныхаа  төлөө хоригдож байна. Мөн нэр дэвшигчийн бүрэн эрхэд халдсан явдал болсон. Тий­мээс Г.Баасанг суллуулахыг шаардлаа.