Энэ сэд­вээр өнөөдөр “Rock mon building” төвд 9-17 цагийн хооронд “Барилга ч, байгаль ч экологийн цэвэр орчин” гэсэн сэдвийн доор лекц явагдах юм байна. Лек­цийн талаар Барилгын судал­гааны Координат төв өчигдөр сэтгүүлчдэд мэдээлэл хий­лээ. Уг арга хэмжээнд дэл­хийн түвшинд таарсан чанар­тай барилга барихын тулд юуг анхаарах, орон сууцны үнэ өртгийг хэрхэн бууруулах зэрэг өнөөгийн барилгын салбарт тулгараад байгаа чухал асуудлыг хэлэлцэх гэнэ. Үүнд барилгын мэдээ­лэл, судалгаа сурталчил­гааны Координат төв, гадаад дотоодын мэргэжилтэн багш, судлаачид, барилгын мате­риал үйлдвэрлэгч компаниуд оролцох юм байна. Өнөөдөр манайд бариг­даж буй барилгын ихэнх нь дэлхийн стандартад нийцсэн байж чадахгүй байна гэж хурлын үеэр онцолж байлаа. Тухайлбал, “Манай улсын барилгын 60 хувь нь хөрсний усанд автсан байдаг. Хэрвээ хундаам хөрсний усанд идэгд­­вэл барилга нурах аюул­тай. Манай барилгын компаниуд дэлхийн стандар­тад нийцсэн материал ашиг­лаагүй атлаа олон улсын зах зээлийн үнэ хэмээн өн­дөр өртгөөр худалдаалж иргэ­дийг хохироож байна. Наад захын жишээ дурдахад, ба­рил­гын дулаалгын материал болох хөөсөнцрийг дэлхийн аль ч улс ашиглахаа больсон. Гэтэл манай улс одоо хүртэл ашигласаар байна” гэв.   Цасан шуурганаар долоон хүн осгож амиа алдсан байна Өнгөрсөн амралтын өд­рүүдэд нутгийн зүүн хагас, төвийн аймгуудын хойд хэс­гээр цас орж, цасан шуурга тавьсан. Шуурганаар нийт долоон иргэн амь насаа алд­сан байна. Энэ аюул Сүх­баатар аймагт энэ сарын 5-7-ны хооронд тохиолджээ. Тус аймгийн Уулбаян суманд хи­чээлээ тараад гэртээ хари­хаар явж байсан 13-15 насны Л.Батзаяа, М.Гончиг, П.Уу­ганаа, мөн тус аймгийн Мөнх­хаан сумын иргэн С.Энхбат, Сүхбаатар сумын иргэн Д.Адь­­яа түүний хүү А.Төмөр­хуяг нар амь насаа алджээ. Эрдэ­нэт хүний амь эрсэдсэнд Мон­­­­­гол Улсын Ерөнхийлөгч, УИХ дахь АН-ын зөвлөл гү­нээ харамсаж, тэдний эцэг эх, гэр бүлийнхэнд эмгэ­нэл илэр­хийллээ,  Шууданчдын баяраар отгон марк төрлөө  Манайд шинэ үеийн шуу­дан үүсч хөгжсөний 86 жи­лийн ойн баяр өчигдөр Улсын филармоны зааланд боллоо. Үе, үеийн шууданчид цуг­ласан уг үйл явдлын хүндтэй зочноор гавьяат холбоочин Д.Готов, Э.Норовжав, Б.Баа­тар, Д.Төгсөө нар байв. Энэ үеэр Монголын орчин үеийн 884 дэх маркийн нээлт бол­сон юм. “Шинэ үеийн уран зураг” сэдэвт эл марк нь Төрийн шагналт зураач С.Са­ранцацралтын “Цагаан уул”, Ч.Чимэддоржийн “Ээжийн тухай дуу”, Ц.Энхжингийн “XV”, Ц.Цэгмэдийн “Орхон” зэрэг бүтээлүүд байв. Хурал дээр төрийн дээд одон ме­даль “Алтан гадас”, “Шуу­дангийн тэргүүний ажилтан”, “Онц тээвэрчин” цол тэмд­гийг нийт арван хүн хүртсэн юм.   Анх 1874 оны аравдугаар сарын 9-ний өдөр Швейца­рийн нийслэл Берн хотноо Дэлхийн шуудангийн байгуул­лага үүсч байжээ. Энэ өдрийг түүхэнд “Дэлхийн шууданч­дын өдөр” болгож, жил бүр тэмдэглэсээр ирсэн. Иймээс ихэнх улс орнууд баярын өдрөө өөрсдийн шинэ бүтээг­дэ­хүүнээ сурталчлах, та­ниу­лах байдлаар тэмдэглэдэг юм байна. Харин манай шуу­данчид Дэлхийн шууданчдын өдрийг тохиолдуулан өнгөр­сөн бямба гаригт “Шуудан хэвлэлийн яармаг”-ийг зо­хион байгуулж, хэвлэлийнхэн идэвхтэй оролцсон юм.   Өнөө жилийн “Монголын шууданчдын баяр”-ын өдрөөр Солонгосын шуудангийн бай­гууллагын ерөнхийлөгч ноён Жунг, Кьюнг, Казахстаны шуудангийн гүйцэтгэх захи­рал Д.Молдагалиев нар ма­найд айлчилсан. Манайх эд­гээр улсуудтай хамтын ажил­лагааны анхны ажил хэрэгч уулзалт хийснээрээ онцлог болжээ. Үүний үр дүнд шуу­дангийн байгууллагуудын хам­тарсан үйлчилгээ, тэр дундаа шуудангаар улс хоо­рондын мөнгөн гуйвуулгыг явуулах тухай харилцан ойл­голцлын санамж бичигт та­лууд гарын үсэг зуржээ. Энэ нь цаашид шуудангийн бай­гууллагууд улс хоорондын мөнгөн гуй­вуул­гыг хямд өрт­гөөр, өргөн сүлжээгээр хэрэг­лэгчдэд хүргэх давуу талтай юм байна.  М.МӨНХЦЭЦЭГ  Хохирогчид асуудлыг шийдэж өгөхийг шаардаж байна “САПУ”-гийн хохирогч Д.Ал­­­тантуяа, Ч.Энхтуяа нар Сүхбаатар дүүргийн “Хүүх­дийн II” эмнэлэгт өлсгөлөн зарлаад багагүй хугацаа өн­гөр­лөө. Өлсгөлөн зарлас­наасаа хойш Д.Алтантуяагийн жин 13, Ч.Энхтуяагийнх 4.5 кг хасагджээ. Тэд өчигдөр эмнэ­лэгт хэвлэлийн бага хурал зарласан. Сэтгүүлчидтэй уулзсан гол шалтгаан нь “ТВ-8” телевиз даваа гаригийн “Толь” мэдээллийн хөтөлбө­рөөрөө хохирогчдыг өлсгө­лөн­гөө зогсоолоо хэмээн ташаа мэдээлснийг зал­руу­лахад байв. Мөн тэд өөрсдө­дөө то­хиолд­сон, хүний эрх зөр­чигдөж буй асуудлыг зохи­цуулж өгөхийг хүсч, холбог­дох хүмүүст хандах болсноо мэдэгдсэн. Хохирогчид энэ тухайд “Бид өчигдөр Нийс­лэлийн Засаг дарга Ц.Бат­баяр, Улаанбаатар хотын ерөнхий менежер, МАХН-ын хороон дарга Г.Мөнхбаяр, Чин­гэлтэй дүүргийн Засаг дарга Д.Очир­бат, түүний ор­логч V.Баяр­маг­най, тус дүүр­гийн цагдаа­гийн хэлтсийн дарга хурандаа Б.Батсайхан нарт тэдний гэм бурууг дурд­сан тухай албан бичиг хүр­гүүлсэн. Үүнээс Б.Батсайхан бидний хүсэлтийг аваагүй. Уг нь Үндсэн хуулинд иргэд төрийн албан хаагчид гомдол гаргаж, шийдвэрлүү­лэх эрх­тэй гээд заачихсан байдаг. Гэтэл тэр хүн надад ямар ч хамаагүй. Би зөвхөн тамгатай бичиг авдаг гээд өөрөөсөө зайлуулсан. Өнөө­дөр бид Нийслэлийн цагдаа­гийн газ­рын дарга Д.Бумнан­жидад гэм буруутайг нь дур­даж, хуулийг сахин биелүүлэх хүсэлтээ бичгээр хүргүүлнэ. Тэр хүн бол Увс аймгийнх. Ц.Нямдор­жийн даалгавраар цагдаагийн хэлтсүүдийн дарга нараа амаа­раа удирддаг. Бас хэрэг бүртгэх газрын хуран­даа Ш.Мягмаржавт хохирлыг үнэн зөвөөр нь тогтоолгох тухай өөрийн нь буруутайг заасан бичиг бэлтгэсэн. Тэр­бээр мэдүүлэг өгч байсан хохи­рогч­дыг дарамталж хохирлын хэмжээг буруу тогтоосон” гэв. Мөн тэд Ерөнхийлөгч Н.Энх­баярт гэм буруутайд нь арга хэмжээ авч, хүний амь нас бусниулахаас сэргийлж, хам­гаалах тухай хүсэлт гаргажээ. Харин Ц.Нямдоржид нутаг усны үзлээ дэвэргэсэн хэ­мээн үзэж хандах юм байна. Түүнчлэн Ерөнхий сайд М.Энх­болдод зэхсэн албан бичигт “Хувийн сонирхолд хөтлөгдөн албан тушаал, эрх мэдлийн хойноос хөөцөлдөн МАХН-ын гишүүн болсноор таны хүсэл биелсэн. Ингэс­нээр зөвхөн тушаал гүйцэт­гэдэг хүмүүсээр хүрээлүүлэн төрийн ажлын самруулсан таны үйл ажиллагаанаас бид хохирсон” гэжээ. Тэд дээрх хүсэлтүүдээ нэгтгээд Цагдаа­гийн ерөнхий газрын дарга М.Ганболд, Хууль зүйн сайд Д.Одбаяр болон УИХ-ын ги­шүү­дэд өгөхөөр бэлтгэжээ. М.МӨНХ