Орчин үеийн залуусын хайр сэтгэл тэдний амьдралд тохиолддог ээд­рээтэй адал явдлуудыг хөг­жил­тэй байд­лаар дэлгэн ха­руулсан ро­ман­тик, инээдмийн кино гэнэ. “Залуусыг нэг хэсэг байлдан дагуулсан “Ийм нэ­гэн дур­лал” киног бид бүтээ­сэн. Харин хоёр дахь бүтээл энэ юм. Уг киног бүтээхдээ сүүлийн үеийн технологи ашигласан учир дуу, дүрсний хувьд өмнөх бүтээлээсээ чанарлаг болсон” гэж уран бүтээлчид нь хэлж байлаа. Уг киноны гол дүрд Л.Болд, “С1” телевизийн хөтлөгч Г.Анхбаяр болон М.Мөнх­жаргал, Ц.На­ран­ханд зэрэг залуу жүжигчид тогло­жээ. Түүнчлэн ардын жүжиг­чин А.Очирбат, соёлын тэр­гүү­ний ажилтан Б.Оюун­дарь, Р.Анхням зэрэг жүжиг­чид оролцсон байна. Энэхүү ро­ман­тик, инээдмийн киноны эхлэлд Хосоо, Хулан хоёр гэр­лэхээр төлөвлөжээ. Харам­салтай нь хурим болохын өмнө тэдний дунд үл ойлгол­цол үүсч, үүнээс гарах гэсэн Хосоогийн оролдлого бүхэн буруу тийшээ эргэдэг. Гэвч түүний найз Болд уг асуудлыг зохицуулахыг оролдовч, бү­тэл­гүйтсээр. Хурим дөхөхөд асуудал улам хурцадна. За­луус үүнийг хэрхэн шийдвэр­лэх бол хосууд гэрлэх болов уу. Үйл явдал хэрхэн өрнө­хийг “Надтай гэрлээч” кино­ноос үргэлжлүүлэн үзэж болох юм. Я.МӨНГӨНЦЭЦЭГ  Дуучин О.Баянмөнх бөхчүүдтэй хамтран дуулна Сүүлийн үед хүчит бөх­чүү­дээ магтан дуулсан олон дуугаараа сонсогчдынхоо талархлыг багагүй хүлээж буй Отгойн Баянмөнх анхны бие даасан “Омогшил” тог­лол­тоо хийх гэж байна. Тог­лолт энэ сарын 17-ны өдөр Бөхийн өргөөнөө болох бө­гөөд түүний дуулсан бөхийн тухай зарим дууг нь хүчит бөхчүүд хамтран дуулах юм гэсэн. Харин яг хэн гэдэг бөх түүнтэй хамт дуулах нь тэр үдэш ирсэн үзэгчдэд барих бэлэг гэнэ.  Нэг ангийн андууд тоглолтоо хийх гэж байна Соёл урлагийн их сур­гуулийг 2004 онд төгссөн нэг ангийн соёлын тэргүүний ажилтан гурван дуучин ирэх мягмар гаригт хамтарсан тоглолтоо хийх гэж байна. Тэд бол Л.Банзрагч, Л.Болд­баа­тар, Т.Батсайхан нар юм. “Эргэн санах аялгуу”, “Та­вилан”, “Хайр татсан бүсгүй” тоглолтуудын шилдэг дуу­нууд хөврөх энэ үдэш гурван дуучнаас өөр хэн нэгэн дуу­лах­гүйгээрээ бусад тог­лол­тоос онцлогтой гэнэ. Хоёр цаг гаруй үргэлжлэх уг тоглолтод дуучид маань өөр өөрсдийн дууг сольж дуулах юм. Тухайл­бал, Л.Банзрагч Л.Болд­баатарын дуулсан “Сэм сэмхэн”-г дуулах бол, Т.Батсайхан Л.Банзрагчийн дуулснаар үзэгчдэд хүрсэн “Сүүн цагаан сэтгэл” дууг дуулж ирсэн олны сонорыг мялаах аж.  Т.Гэрэлмаа