НЭГ ӨРХИЙН НЭГ ХҮНЭЭС "COVID-19"-ИЙН ШИНЖИЛГЭЭ АВНА

Нийтлэсэн: DAILYNEWS.MN 2020-11-23 00:26

Сэтгүүлчийн үг

Дархан-Уул аймагт өчигдрийн /2020.11.23/ байдлаар Covid-19 халдварын нийт батлагдсан тохиолдол 20 болсон. Аймгийн Онцгой комиссоос өчигдөр 22.00 цагт мэдээлэл хийхдээ  “Өнөөдөр 22.00 цагийн байдлаар түргэвчилсэн оношлуураар 19669, PCR шинжилгээг 986 хүнд хийсэн байна. Үүнээс 20 тохиолдол нь  Covid-19 гэдэг нь батлагдсан. Халдвар илэрсэн хүмүүсийн ойрын хавьтлуудыг тусгаарлах ажиллагааг үргэлжлүүлж байгаа бөгөөд одоогийн  байдлаар найман зочид буудалд 341 иргэнийг тусгаарласан байна.  Цаашдаа ажиглан тусгаарлах байрыг нэмнэ. Төмөр зам дагасан халдварын голомтыг хумихын тулд төмөр замын бүх ажилчид  болон ар гэрийнхэнд нь шинжилгээг бүрэн хийж дуусгалаа. Хонгор сумын гуравдугаар баг Салхит өртөөнд хоёр хүний шинжилгээнд халдвар илэрсэн ч  PCR шинжилгээгээр Covid-19 гэдэг нь үгүйсгэгдсэн учраас Салхит багийн тэг зогсолтийг зогсоосон.

Цаашид Дархан-Уул аймгийн 28 мянга гаруй  өрхийн нэг хүнийг  шинжилгээнд заавал хамруулна. Нэг өрхийн нэг  хүнээс шинжилгээг авснаар  хүн бүр шинжилгээнд хамруулж байгаагаас ялгаагүй.  Шинжилгээний хариу сөрөг гарвал өрхийн гишүүд халдваргүй байна гэсэн үг.  Хэрэв эерэг гарсан тохиолдолд тухайн иргэнийг аймгийн халдвартын тасаг руу шилжүүлж дараагийн PCR шинжилгээгээр өмнөх хариуг  нотлох хүртэл хүлээнэ. Үүнтэй холбоотойгоор эрүүл мэндийн яамнаас түргэвчилсэн оношлуурыг татаж авах ажлыг зохион байгуулаад явж байна. Эхний ээлжид төрийн болон төрийн бус  аж ахуйн нэгж байгууллагуудын ажилчдыг  явуулын багуудыг ашиглан шинжилгээнд хамруулна” гэлээ.



Нийтлэсэн: DAILYNEWS.MN 2020-11-23 00:26

АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?