22 настай эмэгтэй машин хулгайлжээ

Сэтгүүлчийн үг

Хан-Уул дүүргийн 15 дугаар хороонд байрлах “Тивин парк” хотхоны 102 дугаар байрны гараашнаас иргэн Д “Тоёото приус 30” маркийн машинаа хулгайд алджээ. Машины эзний өгсөн мэдээллийн дагуу Хан-Уул дүүргийн Цагдаагийн I хэлтсийнхэн хулгайчийг эрэн сурвалжилж, өнгөрсөн шөнө гэмт этгээдийг баривчилсан байна.Машины хулгайлсан хэргийг Баянгол дүүргийн иргэн, 22 настай эмэгтэй Х гэгч үйлджээ.

Энэ мэт хулгайн хэргээс гадна хүйтний эрч чангарсантай холбоотойгоор осгож эмнэлэгт хүргэгдсэн, нас барсан хэргүүд нэмэгдсэнийг Цагдаагийн ерөнхий газрын Хэвлэл мэдээллийн төвөөс мэдээлэв.

Тухайлбал,

  • Хөвсгөл аймгийн Амтайханы хөндийд 47 настай, эрэгтэй машиныхаа хажууд осгож, нас барсан хэрэг арваннэгдүгээр сарын 30-ны өдөр гарсан байна.
  • Нийслэлийн Баянгол дүүрэгт амьдардаг 29 настай, эрэгтэй гар, хөлөө хөлдөөсөн байдалтайгаар Гэмтэл, согог судлалын үндэсний төвд хоёр өдрийн өмнө хүргэгджээ. 
  • Сонгинохайрхан дүүргийн харьяат, 68 настай эрэгтэй хашаандаа осгосон байдалтай олджээ. Түүнийг арваннэгдүгээр сарын 27-ны өдөр Гэмтэл, согог судлалын үндэсний төвд хүргэсэн ч эмчилгээ авч чадалгүй нас баржээ.


АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

  • Зочин

    Зочин [150.129.141.xxx]

    Уран сайхны кино шиг

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?