ХӨВГҮҮД АЯЛАХ ГЭЖ АГУЙД ОРЖЭЭ

Сэтгүүлчийн үг

Тайландын Чан Рай мужийн Там Лаунг агуйд 17 өдрийн турш хүндхэн нөхцөлд байсан өсвөрийн хөлбөмбөгийн багийн 12 гишүүн болон дасгалжуулагчийг өнгөрөгч долоо хоногт олон улсын аврагчид аварсан билээ.

Тэднийг яаралтай эмнэлэгт хүргэж, шаардлагатай эмчилгээ хийсэн бөгөөд өчигдөр эмнэлэгээс гарч, гэр бүл болон найз нөхөдтэйгээ уулзсан талаар “Ройтерс” агентлаг мэдээлэв.

Агуйд орсон шалтгаанаа хөвгүүд тайлбарлахдаа “Бид Чан Рай мужид аялан тоглолтоор явж байсан. Дараа нь буцах замдаа агуйд орсон. Агуй дотор ганцхан цаг аялахаар төлөвлөсөн ч бүх зүйл буруугаар эргэсэн. Бид агуй руу ямар ч асуудалгүй орсон боловч буцаж гарах зам усанд автсан” хэмээн хэлжээ.

Нэгэн  хөвгүүн “Бид аюулгүй байх боломжтой хуурай газрыг олох хүртлээ үргэлжлүүлэн алхсаар байсан. Бидний зарим нь гар чийдэн ашиглан, гарах гарцыг хайж байсан ч бүтэлгүйтсэн” гэж ярив.

Бид маш их өлсөж байсан ч зөвхөн ус ууж байлаа гэж тэд ярьж байна.

 



АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?