11 НАСТАЙ СУРАГЧ СОНГУУЛИЙН СИСТЕМИЙГ ГЭМТЭЭЖЭЭ

Сэтгүүлчийн үг

АНУ-д хакерчдын “DEF CON” бага хурлын хүрээнд явуулсан сонгуулийн системийн загвар цахим хуудсыг гэмтээх даалгаврыг 11 настай сурагч Эммет Брюэр амжилттай гүйцэтгэж чаджээ. Тэрбээр даалгаврыг 10 минутанд гүйцэтгэсэн байна.  

Э.Брюэр цахим хуудасны хамгаалалтыг хялбархан давж, Флорида муж улсын сонгуулийн дүнг өөрчилжээ. Түүнээс гадна 6-17 настай өөр 35 оролцогч энэхүү даалгаврыг гүйцэтгэж чадсан байна. Хүүхдүүд цахим хуудсыг богинохон хугацаанд хакердаад зогсохгүй сонгуульд ялагчийн нэр болон саналын тоог өөрчилж чадсан байна.

Энэхүү бага хурлын хүрээнд явуулсан даалгаврыг зохион байгуулагчид сонгуулийн системийн цахим хуудасны хамгаалалтын найдвартай байдлыг шалгах, асуудлыг олж ирүүлэхийг зорьжээ. Сонгуулийн жинхэнэ системийг гэмтээх нь харьцангуй хүнд болохыг зохион байгуулагчид цохон тэмдэглэжээ.



АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?