АРД НИЙТИЙН САНАЛ АСУУЛГА ХИЙНЭ

Сэтгүүлчийн үг

УИХ-ын гишүүн Ж.Батзандан Төрийн ордонд хэвлэлийн бага хурал  хийлээ.
Уг хэвлэлийн бага хурлаар “Цаг боллоо-Системийн шинэчлэл” хэлэлцүүлгийн талаар  мэдээлэл өгсөн юм.

Тэрээр ярихдаа, “Тодорхой саналыг  улс төрийн хүрээнийхэн болоод олон нийтэд тавихаар өнөөдөр хэвлэлийн бага хурал зарласан юм.  Засаглалын хямрал болон системийн хямралаас гарахын тулд бид ард нийтийн санал асуулгыг санаачлахаас өөр арга байхгүй.  1996 оны Ард нийтийн санал асуулгыг зохион байгуулах тухай хуульд заасны дагуу УИХ-ын гишүүд ард нийтийн санал асуулга зохион байгуулах эрхтэй. Системийн шинэчлэл хийхэд санал нэгдэж буй гишүүд цөөнгүй байгаа. Ард нийтийн санал асуулгаар гурван асуултыг асууя гэж би санал дэвшүүлээд байна.  Нэгдүгээрт шинэ үндсэн хуультай болъё. Иргэд шинэ үндсэн хуультай болох саналыг дэмжвэл Монгол Улс засаглалын ямар хэлбэрээр цааш авч явах тухай асууя. Үүний дараа сум, баг болгоноос төлөөлөлтэй Ардын их хурлыг байгуулан шинэ үндсэн хуулиа баталж системийн өөрчлөлтөө хуулийн дагуу тайван замаар бий болгоё хэмээн уриалж байна” гэв.

Баасан гарагт буюу наймдугаар сарын 24-ний өдөр “Цаг боллоо-Системийн шинэчлэл” хэлэлцүүлгийг Төрийн Ордонд зохион байгуулна хэмээн тэрээр мэдэгдсэн юм.


АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?