СУРГУУЛИЙН ОРЧИНД УХААЛАГ УТАС ХЭРЭГЛЭХГҮЙ

Сэтгүүлчийн үг

Засгийн газрын хуралдаан 08.00 цагт эхэллээ. Тус хуралдаанаар ерөнхий боловсролын сургууль, цэцэрлэгийн хүүхдүүд ухаалаг гар утас ашиглахыг аравдугаар сарын 1-нээс хязгаарлах шийдвэр гаргажээ. Ингэхдээ зөвхөн хичээлийн цагаар ухаалаг утас ашиглахгүй бөгөөд хичээлийн бус цагаар нээлттэй юм байна. Сүүлийн үед фэйсбүүк, гар утасны хэрэглээ маш өндөр болж, хүүхдийн сурах арга барил болон цахим халдлага, донтолтыг хязгаарлаж сурлагын түвшинд эерэг нөлөө үзүүлдэг нь Лондонгийн их сургуулийн судалгаагаар тогтоогдсон байдаг. Хүн амд ногдох Фэйсбүүк хэрэглэгчийн тоогоор Монгол улс Ази тивийн орнуудаас 3.6 дахин идэвхитэй байна

Тиймээс Засгийн газрын Хэрэг эрхлэх газрын дарга Г.Занданшатар санаачилж, Засгийн газрын хуралдаанаар ирэх сарын 1-ээс сургууль, цэцэрлэгийн орчинд гар утас хэрэглэхгүй байх шийдвэр гаргажээ. Энэ шийдвэр хөгжлийн бэрхшээлтэй хүүхдэд хамаарахгүй юм байна. Учир нь сургалттай холбоотой тусгай шаардлага гардаг юм байна. Ерөнхий боловсролын сургууль, цэцэрлэгийн  багш нарын хувьд гар утсанд хязгаарлалт хийхгүй бөгөөд яаралтай үед эцэг эхчүүд багш нартай нь сургалтын үеэр холбогдож болно. Энэ талаар Засгийн газрын Хэрэг эрхлэх газрын дарга Г.Занданшатар 11.00 цагт мэдээлэл хийх юм байна.
Засгийн газрын хуралдаан үргэлжилж байна.



АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?