В.ЗЕЛЕНСКИЙ В.ПУТИНТАЙ УУЛЗАХ САНАЛ ТАВЬЖЭЭ

Сэтгүүлчийн үг

Украины шинээр сонгогдсон ерөнхийлөгч Володимир Зеленский улсынхаа зүүн хил дээр өрнөж буй мөргөлдөөн, 2014 онд Крымийн хойгийг булаан эзэлсэн асуудлуудаар ОХУ-ын ерөнхийлөгч Владимир Путинтэй уулзаж хэлэлцэх санал тавьжээ.

Тэрээр уг уулзалтыг Беларусийн нийслэл Минск хотод АНУ, Британи, Франц, Германы төлөөлөлтэй хамт хийх хүсэлтээ илэрхийлсэн байна.

Кремлийн хэвлэлийн төлөөлөгч Дмитрий Песков засгийн газар нь Зеленскийн саналыг судалж үзэх болсныг мэдэгджээ.

Даваа гарагт Европын Холбооны удирдагчидтай ярилцсаныхаа дараа Зеленский салан тусгаарласан бүс нутгуудын эсрэг тавьсан эдийн засгийн хоригийг цуцлах боломжийн талаар судлахаа амласан юм.

Ингэхдээ тэр дорнод Украины салан тусгаарлагчид өөрсдийн мэдэлд байгаа аж үйлдвэрийн өмч хөрөнгийг буцааж өгвөл хоригийг цуцлах боломжтой гэж мэдэгджээ.

 

                                                                                                                Эх сурвалж: Associated Press



АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?